വസിമിനെ പിടികൂടിയത് സ്ഫോടനം സംബന്ധിച്ച അന്വേഷണത്തിലെ നിര്ണായക വഴിത്തിരിവാണെന്ന് ദേശീയ അന്വേഷണ ഏജന്സി വിലയിരുത്തുന്നു. നാലുപേര്ക്കൊപ്പമാണ് വസിം സ്ഫോടനം ആസൂത്രണം ചെയ്തത് എന്നാണ് സൂചന. ബംഗ്ലാദേശിലാണ് ആസൂത്രണം നടന്നത്. കിഷ്ത്വാറിലെ ഏതാനുംപേരുടെ സഹായത്തോടെയാണ് സ്ഫോടനം നടത്തിയതെന്നും സൂചനയുണ്ട്.
ബംഗ്ലാദേശിലെ ഹര്ക്കത്ത് ഉല് ജിഹാദി ഇസ്ലാമിയിലെ അംഗമാണ് വസിം എന്നാണ് എന്.ഐ.എ കരുതുന്നത്. വസിമിനെ ചോദ്യം ചെയ്യുന്നതിലൂടെ സ്ഫോടനവുമായി ബന്ധപ്പെട്ട ഗൂഢാലോചന പുറത്തുകൊണ്ടുവരാന് കഴിയുമെന്നാണ് പ്രതീക്ഷ. സ്ഫോടനവുമായി ബന്ധപ്പെട്ട് പിടിയിലാവുന്ന മൂന്നാമത്തെ ആളാണ് വസീം.
സപ്തംബര് ഏഴിന് ഡല്ഹി ഹൈക്കോടതി കവാടത്തില് നടന്ന സ്ഫോടനത്തില് 15 പേര് മരിച്ചിരുന്നു. 80 പേര്ക്ക് പരിക്കേറ്റു. സ്ഫോടനത്തിന്റെ ഉത്തരവാദിത്വം ഏറ്റെടുത്തുകൊണ്ട് മാധ്യമങ്ങള്ക്ക് ഇ മെയില് സന്ദേശമയച്ച അബ്ബാസ് എന്ന യുവാവിനെ ജമ്മു കശ്മീരിലെ കിഷ്ത്വാറില്നിന്ന് നേരത്തെ പിടികൂടിയിരുന്നു. അബ്ബാസിനെ ചോദ്യംചെയ്തതില്നിന്ന് ലഭിച്ച വിവരങ്ങളുടെ അടിസ്ഥാനത്തിലാണ് വസിമിനെ പിടികൂടിയത്.
